कुलमान बाहेक अर्काे मान्छे छैन त ? कुलमान बूढाे भएपछि सरकारले के गर्छ ? : गजेन्द्रबहादुर महत

साउन २९, २०७८ शुक्रबार 272

कुलमान बाहेक अर्काे मान्छे छैन त ? कुलमान बूढाे भएपछि सरकारले के गर्छ ? : गजेन्द्रबहादुर महत

काठमाण्डाै – प्रतिनिधि सभा सदस्य गजेन्द्रबहादुर महतले वर्तमान सरकारले कुलमान मात्रै देखेको भन्दै टिप्पणी गर्नुभएकाे छ । प्रतिनिधि सभाकाे आज बिहीवारकाे बैठकमा प्रतिनिधि सभा सदस्य महतले यस्ताे टिप्पणी गर्नुभएकाे हाे ।सरकारले कुलमान घिसिङ बाहेक अर्को मान्छे नभएको जस्तो गरेको भन्दै उहाँले कुलमान बूढो भएपछि सरकारले के गर्छ भन्ने प्रश्न गर्नुभयो ।

डुबेका नेपाल एअरलाइन्स लगायतका संस्थानतर्फ पनि सांसद महतले सरकारको ध्यानाकर्षण गराउनुभयो । उहाँले भन्नुभयो – ‘पुरानो सरकारले हनुमान मात्रै देख्यो ।याे सरकारले कुलमान मात्रै देख्यो । एउटा सरकारले हनुमान बाहेक अरू नदेख्ने, एउटा सरकारले कुलमान बाहेक अरू नदेख्ने । यसको मतलब मैले कुलमानलाई हनुमानसँग दाँजेको होइन, हनुमानले त हाम्रो कर्णाली स्वास्थ्य विज्ञान प्रतिष्ठान धुजाधुजा पारिहाले ।

पाँच महिनाको तलब एकै पटक हाजिर नभएका मान्छेलाई कर्मचारीले खुवाइरहेका छन् । कुलमानले विद्युत् प्राधिकरणलाई फाइदामै ल्याएका छन् । तर कुलमानबाहेक अर्को मान्छे छैन त ? कुलमान बूढो भएपछि के गर्छ त यो सरकारले ? कुलमान बूढो भएपछि अर्को कुलमान कसरी खोज्छ त ? विद्युत् प्राधिकरण मात्रै छ ? कुलमान मात्रै छ ? नेपाल एअरलाइन्स छैन ? अरू संस्थान डुबेका छैनन् ? खालि किन कुलमान मात्रै ?’

प्रतिकृया दिनुहोस्