प्रचण्ड उपचारका लागि अस्पतालमा देखियो यस्तो समस्या !

1 min read

काठमाडौं १ असोज : नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ दाँतको उपचारका लागि अस्पताल पुगेका छन्। प्रचण्ड दाँतको उपचारका लागि ललितपुरस्थित मेडिसिटी अस्पतालमा पुगेका हुन्। बारम्बार दाँत दुख्न थालेपछि बुधबार दिउँसो प्रचण्ड अस्पतालमा पुगेको उनको निजी सचिवालयले जनाएको छ। प्रचण्डको उपचारमा संलग्न चिकित्सकले दाँत निकाल्न सुझाव दिएका छन्।

यो पनि पढ्नुहोस – दाँतको उपचार, हेरचाह कसरी गर्ने ?
दाँत सौन्दर्यका लागि मात्र हैन, स्वास्थ्यका लागि पनि अति नै महत्वपूर्ण छ । हामीले खाएको खानालाई राम्रोसँग टुक्र्याउने र चपाई लयालु बनाउने काम दाँतले गर्छ । यसरी मसिनो बनाएर खाएको खानेकुरा राम्रोसँग पच्ने हुँदा शरीरलाई आवश्यक पर्ने तत्व पनि प्राप्त हुन्छ । दातले खाना टुक्रदा सहज रुपमा पचाउन र विभिन्न रोगबाट बच्न सकिन्छ । दाँतलाई स्वस्थ, बलियो र आकर्षक बनाउने सम्बन्धमा दाँत सम्बन्धि यस्ता छन् टिप्स् :

दाँत कसरी बिग्रन्छ ?
दाँत विग्रनुको मुख्य कारण भनेको नै खाना खाइसकेपछि दाँतलाई सफा नगर्नु हो । हामीले खाएको खाने कुरा दाँतको कुना र भित्तामा टाँसिन्छन् । धेरै समय रहेपछि यस्ता टुक्राहरु कुहिन्छन् । जसको कारण दाँतमा कीरा लाग्नुका साथै दाँतको जरा खुकुलो हुने, गिजा सुन्निने, रगत आउने, दाँत हल्लिने, दुख्ने लगाएतका समस्या आउँछन् ।

दाँतको उपचार, हेरचाह कसरी गर्ने ?
१ – कम्तीमा २ पटक बिहान/बेलुका खाना खाइसकेपछि राम्ररी ब्रस गर्ने, नभए खाना खाईसकेपछि कुल्ला गर्ने। २ – सुत्ने बेलामा अन्त्यमा पानी पिउने । जसले गर्दा दाँतमा टासिएका कुराहरु पखालिन सहयोग पुग्छ । ३ – ब्रस गर्दा घोटेर ब्रस नगर्ने, ४५ डिग्रीको कोणमा तलमाथी, दायाँ-बाया २/३ मिनेट हल्कासँग मिलाएर ब्रस गर्ने । ४ – महिनाको एक पटक ब्रस परिवर्तन गर्ने |

५ – कम्तीमा वर्षको एक पटक विशेषज्ञकहाँ सरसफाई गराउने, चेक गराउने ।
६ – दाँत दुख्यो वा केही समस्या आइहाल्यो भने जथाभावी औषधी सेवन नगर्ने, चिकित्सकसँग सल्लाह बमोजिम उपचार गर्ने । दाँतको दुखाइ कम गर्ने घरेलु उपाय ७ – दातमा भएको खाल्डोमा फसेको खानेकुराहरुलाई चुच्चो सिन्कोको माध्यमबाट निकाल्न सकिन्छ | ८ – आधा चम्चा नुन एक गिलास मनतातो पानीमा मिलाई कुल्ला गर्दा दुखाई कम हुँदै जान्छ |

दाँतमा यसरी लाग्छ कीराः दाँतमा गुलियो खाने बितिकै किराले खाईहाल्दैन | हामीले खाएको खाना दातको कुना-कप्चामा अड्कंदै जान्छ र त्यो कुहिएर ब्याक्टेरिया उत्पादन भएपछि बिस्तारै एसिड उत्पादन गर्छ र दाँत बिग्रँदै जान्छ । दातको बीच भाग, दायाँ-बायाँमा सानो-सानो प्वाल पर्दै जान्छ | त्यो दातको नसा जरासम्म पुगेपछि, पानी खाँदा सिरिंग-सिरिंग लाग्ने, दाँत कालो हुने, दाँत दुख्ने लगाएत मानव शरीरको सबैभन्दा कडा भाग भनेकै इनामेल हो । इनामेल छेडेर त्योभन्दा पनि भित्र गएपछि दाँतमा समस्या देखा पर्छ । भित्री भाग डेन्टिनमा ब्याक्टेरिया पुगेपछि दाँत सिरिङ-सिरिङ गर्ने, कालो हुने, दुख्ने लगायतका समस्या आउँछन । दाँतमा किरा लाग्ने सरसफाईको कमीले हो ।

Leave a Reply

Your email address will not be published. Required fields are marked *

error: Content is protected !!