प्रधानमन्त्री ओलीको मि’र्गौला प्रत्यारोपणमा ६ लाख रुपैयाँ खर्च !

1 min read

काठमाडौँ। मिर्गौला प्रत्यारोपणका लागि करिब दुई सातादेखि अस्पताल भर्ना भएका प्रधानमन्त्री केपी शर्मा ओली उपचारपछि आफ्नो सरकारी निवास बालुवाटार फर्किएका छन्। उनका प्रेस सल्लाहकार सूर्य थापाले प्रधानमन्त्री ओली स्वस्थ भएको र घरमै बसेर आराम गर्दा हुन्छ भन्ने चिकित्सकको सुझावपछि घर ल्याइएको बताएका छन्। “उहाँ स्वास्थ्यबारे सावधानी अपनाएर नियमित काममा फर्कनसक्नुहुन्छ भन्ने भएपछि आज ६ बजेर ३५ मिनेटमा बालुवाटारस्थित निवास फर्किनुभएको छ,” सल्लाहकार थापाले भने।

प्रधानमन्त्री केपी शर्मा ओलीको मिर्गौला प्रत्यारोपण गर्दा ५ देखि ६ लाख रुपैयाँ खर्च लागेको त्रिवि शिक्षण अस्पतालले जनाएको छ । गत बुधबार प्रधानमन्त्री ओलीको मिर्गौला प्रत्यारोपण गरिएको थियो । शुक्रबार प्रधानमन्त्री डिस्चार्ज भई बालुवाटार निवास फर्केपछि पत्रकारसँग कुरा गर्दै शिक्षण अस्पतालका कार्यकारी निर्देशक डा. प्रेमकृष्ण खड्गाले उपचार खर्च पुरै हिसाब गरि नसके पनि ५ देखि ६ लाख लागेको बताए ।

अब प्रधानमन्त्रीको स्वास्थ्यको रेखदेख निजी चिकित्सक र नर्सहरुले बालुवाटारमै गर्ने उनले जानकारी दिए । प्रधानमन्त्री ओलीलाई उनकी भान्जी समीक्षा संग्रौलाले मिर्गौला दान गरेकी थिइन् । ’ १२ दिनपछि शुक्रवार साँझ अस्पतालबाट डिस्चार्ज भएपछि प्रधानमन्त्री ओली आफैं हिंडेर गाडीसम्म पुगेका थिए । त्यहाँ उनले हात हल्लाएर उपस्थित सबैलाई अविवादन गरे । उनलाई स्वागत गर्न मन्त्रीहरू पुगेका थिए । ओलीलाई गतहप्ताको सोमवार अस्पताल भर्ना गरिएको थियो भने बुधवार मिर्गौला प्रत्यारोपणको श’ल्यक्रिया गरिएको थियो ।

Facebook Comments Box
error: Content is protected !!