रंगशाला निर्माणका लागि एकैदिनमा उठ्यो १५ करोड

1 min read

चितवन माघ २५ । गौतम बुद्ध अन्तर्राष्ट्रिय क्रिकेट रंगशाला निर्माण सहयोगार्थ जारी धनधान्याचल महोत्सवमा आज (शनिबार) अहिलेसम्मकै धेरै अर्थिक सहयोग संकलन भएको छ । सातौ दिनमा आइपुग्दा चितवनको रामपुरमा निर्माणाधिन रंगशालालाई सहयोग जुटाउन जारी धनधान्याचल महोत्सवमा (महायज्ञ) शनिबार आज मात्रै १५ करोड बढी सहयोग संकललन भएको छ।

यसअघि शुक्रबार एकैदिन ९ करोड, बिहीबार एकैदिन ५ करोड संकलन भएको थियो। हरेक दिन सहयोग रकम जुट्ने क्रम बढ्दै गएको महोत्सव मूल आयोजक समितिका संयोजक एवं प्रदेश सांसद विजय सुवेदीले बताए। हरेक दिन विभिन्न संघसंस्था तथा व्यक्तिले (महायज्ञ) महोत्सवस्थलमै पुगेर सहयोग हस्तान्तरण गरिरहेका छन्। शनिबार वागमती प्रदेशका तर्फबाट रंगशालालाई १० करोड दिएको छ। मुख्यमन्त्री आफैँ रंगशालामा पुगेर उक्त रकमको चेक हस्तान्तरण गरेका हुन्।

उनले आगामी दिनमा पनि सहयोगलाई निरन्तरता दिने प्रतिवद्धता जनाएका थिए। बालकुमारी कलेज १२ लाख, इच्छाकामना गाउँपालिकाले ११ लाख ११ हजार, सप्तगण्डकी क्याम्पसले ६ लाख १ हजार र तारापुञ्ज सहकारी तीन लाख सहयोग गरेको महोत्सव मूल आयोजक समितिका सह कोषाध्यक्ष नवराज सापकोटाले बताए। चितवनको भरतपुर महानगरपालिका १५ रामपुरमा निर्माणाधीन रंगशाला परिसरमा धनधान्याचल महायज्ञ, महोत्सव १९ गतेदेखि जारी छ। ५० करोड सहयोग रकम जुटाउने उद्देश्यका साथ जारी महोत्सव (महायज्ञ) माघ २६ गतेसम्म सञ्चालन हुने छ। रंगशाला निर्माणका लागि ३ अर्ब लाग्ने बताइएको छ।

Facebook Comments
error: Content is protected !!