एमसीसी पारित भए मुलुक नै रहँदैन भन्दै ज्ञानेन्द्र शाहीद्वारा आन्दोलनको घो’षणा

काठमाडौं। भ्रष्टाचार विरोधी अभियन्ता ज्ञानेन्द्र शाहीले अमेरिकी सहयोग मिलेनियम च्यालेन्ज कर्पोरेशन (एमसीसी) पारित भए मुलुक नै नरहेन भन्दै त्यसविरुद्व नागरिक आन्दोलनको घोषणा गरेका छन् । बिहीबार रिपोर्टर्स क्लब नेपालमा पत्रकार सम्मेलन गरेर एमसीसीविरुद्व नागरिक आन्दोलनको घोषणा गरेका हुन् । ‘एमसीसी पारित भए मुलुक नै रहँदैन,’ शाहीले भने, ‘राष्ट्रघाती एमसीसीविरुद्ध नागरिक आन्दोलन शुरु भयो ।’ माघ २५ गते शनिबार बिहान ११ः३० बजे माइतीघर मण्डलामा आन्दोलनमा सहभागी हुन आग्रह समेत गरे । सम्पूर्ण नेपाली नागरिक सडकमा उत्रिएमा एमसीसी पारित नहुने बताए ।

देश बचाउनका लागि पनि एमसीसी पारित हुन दिन नहुने बताए । प्रजातन्त्रवादी र गणतन्त्रवादीहरुलाई एकजुट भएर आन्दोलनमा सहभागी हुन आग्रह गरे । विगतमा राजाहरुले विदेशी शक्तिलाई नेपालमा हस्तक्षेप गर्न रोकेको भन्दै अहिलेका नेताहरुले आर्थिक प्रलोभनमा परेर हस्तक्षेप निम्त्याएको आरोप लगाए । शाहीले भने, ‘अहिलेका भ्रष्ट नेताहरुले केही पैसाको लोभमा एमसीसी पारित गराउन खोजेका छन् ।’ उनले प्रधानमन्त्री समेत रहेका सत्तारुढ दलका अध्यक्ष केपी शर्मा ओली, नेपाली कांग्रेसका सभापति शेरबहादुर देउवा र वरिष्ठ नेता रामचन्द्र पोडेल समेत एमसीसीलाई परित गर्न सक्रिय रहेको बताए ।

एमसीसीको रकम गलत नभएपनि त्योसँगै आउने नीति नियम र केही बुँदाहरु परिमार्जन गर्न जरुरी रहेको बताए । एमसीसी परित भए सम्पूर्ण नेपाली असुरक्षीत हुने उनको तर्क थियो । एमसीसी लागू गर्न खोजिए मुलुक मध्यपूर्व जस्तै ध्वस्त हुने भन्दै यसबाट सचेत हुन आग्रह समेत गरेका छन् । नेपाली सेना, नेपाल प्रहरी समेतलाई आन्दोलनमा सहभागी हुन आग्रह गर । प्रधानमन्त्री, सांसद र जनप्रतिनीधीहरुको कार्यकालमा खर्च हुने रकमको १० प्रतिशत मात्र जोगाए यसले एमसीसीको रकम भन्दा ठूलो रकम स्वतः हुने बताए । एनसेलले तिर्न पर्ने सम्पूर्ण कर उठाए रकम आउने उनको भनाई थियो ।

एमसीसीको नीति प्रत्येक देशका लागि छुट्टाछुट्टै रहेका समेत बताए । श्रीलंकामा एमसीसीको कानुन राष्ट्रिय कानुन भन्दा माथि नरहेको बताए । तर नेपालमा लागू हुने एमसीसीको कानुन राष्ट्रिय कानुन भन्दा माथि रहेको जसले कुने पनि खतरा आएमा एमसीसीले आफ्नो सुरक्षा आफै गर्ने प्रावधान रहेको बताए । एमसीसी अमेरिकन गैर सरकारी संस्था नभई सरकारी संस्था रहेका उनको भनाई थियो । उनले भने, ‘एमसीसीमा अमेरिकाले आफ्नो सुरक्षाका लागि आफ्नै सेना समेत ल्याउन सक्ने व्यवस्था रहेको छ ।’

अमेरिकाले आफै तहल्का मचाएर असुरक्षा भयो भन्दै आफ्नो सेना ल्याउने निती बनाएको बताए । एमसीसी इन्डो प्यासिफीकको रणनिती रहेका स्पष्ट पारे । २५ गते नेपाल र अमेरिकाबीच हुने एकदिवसीय खेलमा सहभागी हुने दर्शकलाई एमसीसीको विरुद्वमा बोर्डमा लेखेर लैजान आग्रह गरे ।

Leave a Reply

Your email address will not be published. Required fields are marked *

error: Content is protected !!