भ्रमण वर्ष २०२० : घुम्न आउने पर्यटकलाई निःशुल्क खाना र बास

1 min read

नेपाल भ्रमण वर्ष २०२० को अवसरमा पश्चिम नेपालको झुलाघाटबाट नाकाबाट नेपाल घुम्न आउने विदेशी पर्यटकलाई बैतडीका होटल व्यवसायीले नयाँ वर्षको पहिलो दिन निःशुल्क खाना र बास दिने निर्णय गरेका छन् । बैतडी घुम्न आउने पर्यटकलाई प्यारा ग्लाईडिङमा उडाएर बैतडीको टिपिकल खाना बटुक, माणा, मकैको रोटी र मोही बैतडीको चाकासहितको अर्गानिक मह खुवाउँने कार्यक्रम रहेको उद्योग बाणिज्य संघ बैतडीले जानकरी दिएको छ ।

जिल्ला प्रशासन कार्यालय र उद्योग बाणिज्य संघ बैतडीको अगुवाईमा नयाँ वर्ष २०२० को पहिलो दिन बुधबार झुलाघाट नाकामा पर्यटकलाई नेपाली ढाका टोपी, माला र खादा ओढाउने कार्यक्रम रहेको बैतडीका प्रमुख जिल्ला अधिकारी आनन्द पौडेलले बताए । प्रजिअ पौडेलले भने, –“अंग्रेजी नयाँ वर्ष २०२० को पहिलो दिन झुलाघाटमा पर्यटकलाई स्वागत गर्ने कार्यक्रम रहेको छ ।

भ्रमणका लागि बैतडीको त्रिपुरासुन्दरी, ग्वाल्लेकधाम, मेलौली भगवती, एसियाकै लामो दाबी गरिएको पातालभूमेश्वर गुफा र तलाउ लगायतका स्थान मुख्य आकर्षण रहेका छन् । बैतडीबाट अपी शैपाल हिमालको दृश्यावलोकन गर्न सकिन्छ । बैतडी बाहेक सुदूरपश्चिमको खप्तड, शुक्लाफाँटा, घोडाघोडी ताल, रामारोशन लगायतका उत्कृष्ट गन्तव्य रहेका छन् ।”

पश्चिम नेपालको पुरानो चल्तीको नाका झुलाघाट भएर नेपाल घुम्न आउने विदेशी पर्यटकलाई नयाँ वर्षको उपलक्षमा पहिलो निःशुल्क खाना निःशुल्क खाना र बासको व्यवस्था मिलाईएको उद्योग बाणिज्य संघ बैतडीका अध्यक्ष नरबहादुर चन्दले बताए। अध्यक्ष चन्दले भने,–“ प्रशासनको आग्रहमा विशेष पर्यटकलाई विशेष छुट दिन उद्योग बाणिज्य संघलाई अनुरोध आएकोमा होटल व्यावसायिले पहिलोदिन पर्यटकलाई खान र बस्न निःशुल्क व्यवस्था मिलाएका छौ ।”-गोरखापत्र अनलाइनको सहयोगमा

Leave a Reply

Your email address will not be published. Required fields are marked *

error: Content is protected !!