प्रधानमन्त्रीले भने–सेयर बजारको यस्तो अवस्था पहिल्यै किन जानकारी नगराएको ?

1 min read

नेपाली पैसा 
 काठमाडौं : प्रधानमन्त्री केपी शर्मा ओलीले सेयर बजारको वर्तमान अवस्थाका बारेमा अहिलेसम्म किन जानकारी नगराएको भनेर लगानीकर्तालाई उल्टै प्रश्न गरेका छन् । मंगलबार नेपाल पुँजी बजार लगानीकर्ता संघको ज्ञापनपत्र बुझ्दै प्रधानमन्त्रीले सो कुरा बताएको संघकी अध्यक्ष राधा पोखरेलले नेपाली पैसालाई जानकारी दिइन् । अध्यक्ष राधा पोखरेलले भनिन्, ‘सेयर बजार यस्तो अवस्थामा आइपुग्दा पनि किन पहिला नै नभनेको, यस विषमा छलफल गर्न सरोकारवालालाई बोलाउछु ।’ प्रधानमन्त्रीले उनीसँग भने ।अर्थमन्त्री डा. युवराज खतिवडालाई विगत लामो समयदेखि सेयर बजारका बारेमा बताउँदा सुनुवाई नभएपछि प्रधानमन्त्रीलाई नै भेटेर जानकारी गराएको उनले बताइन् ।

प्रधानमन्त्रीलाई सेयर बजार सुधारका लागि १४ बुँदे सुझावसमेत पेश गरेकी छन् । प्रधानमन्त्रीलाई बुझाइएको १४ बुँदे सेयर बजार सुधारका सुझाव 🙁 १) सेयर कर्जामा हाल जारी चर्को बैंक ब्याज घटाइनुपर्छ । (२) सेयर धितो कर्जाको सीमा ६५% बाट बढाएर ८०% सम्म पुर्याउनुपर्छ ।( ३) सबै लगानीकर्ताको हातमा सर्वसुलभ तरिकाले अनलाइन प्रणाली विस्तार गर्नुपर्छ ( ४)आरडब्लूएसलाई अझ व्यापक बनाइनुपर्छ ।( ५) सेयर शिक्षा तथा चेतनाका कार्यक्रमहरु देशव्यापी बनाउनेतर्फ ध्यान दिइनुपर्छ  ।(६) बजेटमार्फत गैरआवासीय नेपाली संघलाई नेपालको पुँजी बजारमा लगानी गर्ने दायरा फराकिलो बनाइन्छ भनिएको छ । त्यसलाई यथासक्य छिटो कार्यान्वायनमा ल्याइनुपर्छ । 

(७) सेयर बजारमा महिला सहभागिता बढाउन घर जग्गा कारोबारमा जसरी छुट दिने व्यबस्था गरिएको छ । त्यसैगरी सेयर कारोबारमा पनि महिलालाई छुट दिने व्यवस्था गर्नुपर्छ । (८) पुँजीबजारमा अधिक आपूर्ति व्यवस्थापन गर्ने संयन्त्र भएन । त्यसैले बजामा रहेका ठूला कोषहरु (जस्तैः नागरिक लगानी कोष, कर्मचारी सञ्चय कोष, सैनिक कल्याणकारी कोष) हरुलाई बजार निर्माताका रुपमा भित्र्याउने व्यवस्था गर्नुपर्छ ।  (९) समयमा वार्षिक साधारण सभा नगर्ने कम्पनीका सञ्चालकहरुलाई ऐन नै संशोधन गरी कडा जरिवानाको व्यवस्था गर्नुपर्छ ।
 
१०) बैंकहरूले लगानी योग्य पुँजी अभावको कृत्रिम त्रास देखाई बेलाबेलामा सेयर बजारमा चलखेल गर्ने वातावरणको अन्त्य गर्नुपर्छ ।(११) तरलता सहव्यवस्थापन गर्न बैंकहरुको सीसीडी रेसियो ८५% पुर्याउनुपर्छ । ( १२) वाणिज्य बैंक, विकास बैंक र फाइनान्स कम्पनीहरुलाई २०७७ असारमसान्त सम्मका लागि मात्रै भए पनि कम्तिमा ५५ क्रस होल्डिङको व्यवस्था गरिनुपर्छ ।( १३) सेयर धितो मूल्यांकनको ८०% सम्म कर्जाको सुनिश्चितताका गर्नुपर्छ ।   (१४) जसरी बैंकहरुमा मर्जरको होड चलाइएको छ, त्यसैगरी च्याउ उम्रेसरी खोल्न लाइसेन्स बितरण गरिएका लघुवित्तलाई समेत मर्जरमा जान प्रोत्साहित गरिनुपर्छ । नयाँ लाइसेन्स वितरण रोक्नुपर्छ । 

Facebook Comments
error: Content is protected !!